Жақында Астана қаласында өткізілетін ауылшаруашылық өнімдерінің жәрмеңкесіне біздің шыңғырлаулық шаруашылық құрылымдары да үлес қосып, 1 тонна ірі қара етін және бір тонна жылқы етін апаруды жоспарлаған-ды. Міне, енді аудан әкімінің орынбасары Қалияр Айтмұхамбетов бастаған топ – ауылшаруашылық бөлімінің мамандары Астана қаласына жол тартты.
- Шұрайлы жердің шөбін тартып, суын ішкен малдың еті астаналалықтар мен қонақтарына қолайлы бағамен сатылмақ,- дейді аудандық ауыл шаруашылық бөлімінің басшысы Азамат Бисенбаев.
Ия, еңселі еліміздің төрінде өтетін жәрмеңкедегі біздің өнім ауданымыздың шырайын шығаратынына сенім мол.
Айсұлу Арыстанова
Шыңғырлау ауданы