Бүгін Хамза Есенжанов атындағы облыстық балалар және жасөспірімдер кітапханасында Отан қорғаушылар күніне орай «Ерліктің жыры - елдіктің ескерткіші» атты батырлар жырын мәнерлеп оқудан байқау өтті. Байқауда қала мектептерінің ұл балалары батырлар жырларынан үзінді оқыды.
Мәнерлеп оқудың нәтижесі бойынша, бас жүлдені қалалық № 33 орта мектебінің оқушысы Эрнест Қайыржанов иеленсе, I дәрежелі дипломмен қалалық №1 мектептің оқушысы Ерболат Нұрхан марапатталды.
Ал қалалық № 20 мектептен барған Наурызбек Күзембаев пен № 30 мектебінің шәкірті Бекназар Берікқали екінші орыннан көрінді. № 12 мектебінің оқушысы Мирас Дәрібай, № 37 мектебінен Нұршат Ғабдоллаев және Серебряков мектебінің оқушысы Жанұзак Өмірзақ үшінші орынды қанжығасына байлады.
Гүлсезім Бияшева
zhaikpress.kz
