18.02.2019, 15:57
Оқылды: 84

БҚО оқушылары республикалық байқаудан жүлдемен оралды

13-16 ақпан аралығында БҚО оқушыларының командасы Алматы қаласында өткен республикалық жалпы білім беретін пәндер бойынша ғылыми жобалар байқауына қатысты.

3
Барлығы 625 ғылыми жоба тыңдалған байқауға, еліміздің барлық өңірінен оқушылар қатысты.

         Байқаудың қорытындысы бойынша батысқазақстандық оқушылар 2 алтын медаль, 4 күміс және 5 қола медальмен марапатталды.

          «Қамшы мен сәбіз методының бала психологиясына әсері» жобасымен Орал қаласындағы Ә.Молдағұлова атындағы №38 мектеп-лицейінің 11-сынып оқушысы Назгүл Кажалаева (жетекшісі Шынар Қаратаева), «Қазақ, орыс және ағылшын халықтарының мәдениеті мен дәстүрінің мақал-мәтелдерде көрініс табуы» тақырыбымен жоба қорғаған №35 мектеп-лицейінің 11-сынып оқушысы Эльдар Каресов ( жетекшісі Әлия Қайыржанова) І орынды иеленді.

         Ал Зеленов ауданы Щапов мектебінің 9-сынып оқушысы Милана Чернухина, облыстық дарынды балаларға арналған мамандандырылған ақпараттық технологиялар мектеп-лицейінің 11-сынып оқушысы Салидат Тілекқабыл, Сырым ауданы Қ.Мырзалиев атындағы мектептің 9-сынып оқушысы Шадияр Елеубаева, №44 мектеп-гимназиясының 11-сынып оқушысы Қымбат Орынғалиева ІІ орын иегері атанды.

         Орал қаласындағы №35 мектеп-лицейінің 10-сынып оқушысы Евгений Бондаренко, облыстық дарынды балаларға арналған мамандандырылған ақпараттық технологиялар мектеп-лицей-интернатының 11-сынып оқушысы Зарина Сержанова, дарынды балаларға арналған мамандандырылған «Білім-инновация» мектеп-лицей-интернатының 11-сынып оқушылары Ернар Сағындықов пен Альберт Адилов, №33 мектептің 9-сынып оқушысы Нұрберген Дарбай да жүлдегер атанып, ІІІ орыннан көрінді.

2

Үміт Жәңгірова,

БҚО білім басқармасының

баспасөз хатшысы

 

Узнайте первым о важных новостях Западного Казахстана на нашей странице
в Instagram и нашем Telegram - канале