12 тамыз күні Бөрлі ауданына Қазақстан Республикасының Сыбайлас жемқорлыққа қарсы іс-қимыл Агенттігінің жанынан құрылған республикалық «Адалдық Алаңы» жобалық кеңсесінің жетекшісі Төлеген Байғұлов арнайы жұмыс сапарымен келіп, «Ақжайық-Адалдық Алаңы» жобалық кеңсесінің жетекшсі Әлия Сәлиева, Батыс Қазақстан облысы бойынша сыбайлас жемқорлыққа қарсы іс-қимыл департаментінің бірінші орынбасары Нұрдәулет Саметпен бірге бірқатар нысандарды аралап, кешенді мониторинг жүргізді.
Іссапар барысында Бөрлі ауданы әкімінің орынбасары Алпамыс Кушкинбаев республикалық кеңсе жетекшісін аудан әкімдігіндегі сыбайлас жемқорлықты болдырмауға бағытталған «Ақжайық-Адалдық Алаңы» жобалық кеңсесінің, «Ашық әкімдіктің» және өзіне-өзі қызмет көрсету бұрышының жұмыстарымен таныстырды. Азаматтарға мемлекеттік көрсетілген қызмет шарттарымен танысқан Төлеген Байғұлов қызметкерлермен және мемлекеттік қызмет алғалы келген тұрғындармен тілдесті.
Жобалық кеңсе жетекшісі Ақсай қаласында ТҮКШ жаңғырту саласында жөндеуден өткізілген тұрғын үйлерді аралап, тұрғындардың өтініш-тілектеріне құлақ түрді.
zhaikpress.kz