Еліміз тәуелсіздігінің 25 жылдығына орай Ақжайық ауданының орталығы – Чапаевта Абай атындағы мектеп-гимназия жанындағы интернатта тәрбиеленушілер мен көршілес Мерген ауылындағы орта мектептегі интернаттағы олардың құрбы-құрдастары арасында спорт түрлерінен жолдастық кездесулер ұйымдастырылды. Теннис пен тоғызқұмалақтан мергендіктер өздерінің мықты екендігін дәлелдеп, суырылып алға шықса, Абай атындағы мектеп-гимназия жанындағы интернат тәрбиеленушілері волейбол мен бадминтоннан өздерінің ұшқырлығын көрсетті. Бұл шараны ұйымдастырған мектеп-гимназия тәрбиешілері Эльмира Молдашева, Әлия Мақашева және дене шынықтыру пәнінің мұғалімі Талғат Есқалиевқа ұл-қыздар шексіз ризашылық арнады.
Бекем Бекұлы
