29 желтоқсан күні «Nur Otan» партиясы атынан Казталов аудандық мәслихаты депутаттығына үміткерлер Ерболат Бекмулдин, Индира Әлібекова, Гүлбарам Лукпанова, Рауан Есенғалиев «Канвассинг» форматы бойынша Жалпақтал ауылдық округінің мүмкіндігі шектеулі сайлаушыларымен кездесті.
Үгіт-насихат жұмыстары барысында үміткер Гүлбарам Лукпанова «Мемлекетіміз соңғы жылдарда мүмкіндігі шектеулі жандарға көп көңіл бөліп келеді. Партия төрағасы Нұрсұлтан Назарбаев «Біз оларды белсенді өмірге тартамыз, олар тек жәрдемақы алып қана қоймайды, сонымен бірге, өздерін қоғамның мүшесі, пайдалы еңбеккер ретінде сезінетін болады» деген болатын. Күні бүгінге дейін мүмкіндігі шектеулі жандардың қолайлы өмір сүруі үшін мемлекет әр түрлі бағдарламаларды қолға алды. «Nur Otan» партиясы Казталов аудандық филиалының бес жылға арналған бағдарламасының ІІІ бағыты арқылы тең мүмкіндіктер құра отырып, ауданда ерекше қажеттіліктері бар адамдар үшін кедергісіз орта құруға ерекше көңіл бөлінетіндігі басты мақсат екендігі көрсетілген. «Кедергісіз болашақ», «Бақытты отбасы», «Ардагерлерді ардақтайық» сынды партиялық жобалар көп балалы және аз қамтылған отбасыларды, мүмкіндігі шектеулі адамдарды қолдауға, ардагерлермен қоғамды әлеуметтендіруге бағытталатын болады» - деген пікірін білдірді.
Бағдарламада 2025 жылға дейін инклюзивті білім беру үшін жағдай жасаған білім беру ұйымдарының үлесін 100 пайызға дейін жеткізу, мүмкіндігі шектеулі адамдарға ыңғайландырылған нысандар үлесін құжатталған нысандар санынан 96 пайыз жеткізу, мүмкіндігі бар адамдарға өздерінің жеке қажеттіліктерін ескере отырып, онлайн режимде көмекші, компенсаторлық құралдар мен әлеуметтік қызметтерді алуға мүмкіндік беретін әлеуметтік қызметтердің бірыңғай порталын енгізу, аудан орталығында «Инватакси» қызметінің жұмысын ұйымдастыру, мүгедектігі бар адамдар үшін «Бизнес Бастау» курстарын ұйымдастыруға және өз кәсібін ашу үшін грантқа ие болуына мүмкіндік жасау қарастырылған. Бұл туралы үміткерлер бағдарламаны түсіндіру барысында әр сайлаушыға нақты ақпараттармен түсіндіріп берді.
Сайлаушылар партияның атқарып жатырған жұмыстарына ризашылықтарын білдіріп, сәттілік тіледі.
Кездесу барысында бірқатар әлеуметтік және білім саласына қатысты мәселелер қозғалып, үміткерлер мәселелердің партия назарында болатындығын жеткізді.
Асылбек Нәсіпқали,
Казталов ауданы
Тапсырыс беруші: Бекмулдин Ерболат Мұратқалиұлы.
«Nur Otan» партиясының Батыс Қазақстан облысы Қазталов ауданының сайлау қоры қаражатының есебінен төленді.
