Алматылық кәсіпкер азаматтар Елдос, Әйбек және Айдос Қоспаевтардың есімдері бүгінде Ақжайық ауданы тұрғындарына жақсы мәлім. Өйткені олар өздерінің атажұрты болатын ауданның бірнеше ауылына соңғы бір-екі жылда айтулы қайырлы істер жасап, ағайынның ақ тілегіне бөленді.
Мысалы, Қоспаевтар былтыр Мерген ауылының бір көшесін жарықтандырған еді. Енді міне, осы ауылға кіреберіс 2 шақырым жол бойына электр желісін тартуда. Трансформатор орнатылып, 47 бетон бағана, шам қондыру жұмыстары ойдағыдай жүргізілуде.
- Ағайындылардың жанашырлығына жұрт ризашылығын айтуда. Елді қуанту – бақыт қой,- дейді Мерген әкімі Мәмбетқали Сағаденов.
Болат Қосжанұлы,
Ақжайық ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
