Жәнібек ауданының әкімі Азамат Сафималиев, аудан әкімінің орынбасары Жақсылық Абдолов Ұзынкөл ауылдық округіне қарасты каналды жөндеу жұмыстарын көріп қайтты.
Жалпы ұзындығы 40 км болатын каналды жөндеу жұмыстарына аудандық бюджеттен 69 млн., 800 мың теңге қаражат бөлінген.
Қазіргі уақытта "Қоңыр Сервис БҚО " ЖШС КП-6 каналын тазалау жұмыстарын жүргізуде.
Айта кетейік, аталмыш каналдан ауылдың малы суарылады. Сондықтан каналды тазалап, терең қазудың нәтижесінде судың жүруі жылдамдап, мал суаруға қолайлы болады.
Жұмысқа 4 экскаватор тартылған. Жұмысшылардың айтуынша, каналды күніне 500 метрдей қазып, тазалайды. Аудан басшысы жұмысшылармен тілдесіп, жұмыс барысын көрді.
Ә. Садық,
Жәнібек ауданы
zhaikpress.kz
