Қазіргі кезде елді жайлаған індетпен күресте ешкім аянып жатқан жоқ. Ауруханада ем қабылдап жатқан науқастардың жағдайын жасауға қолұшын созған жомарт жандардың көптігі қуантады.
Осы орайда Қаратөбе аудандық білім беру бөлімінің басшысы Берікжан Ғарапшиев орталық ауруханаға арнайы барып аудандағы барлық мектеп ұстаздарының, білім беру бөлімінің және қосымша білім беру ұйымдары қызметкерлері атынан емдеуге қажетті құралдарды табыстады.
«Қайырымдылық жасасаң, қайырын өзің көресің!» демекші, осынау қиын кезеңде індетпен күрес шараларына белсене қатысып, қолдан келген көмектерін аямаған білім саласының қызметкерлеріне медицина мамандары ризашылығын білдірді.
Аудан ұстаздарының жинаған қаржысына ем қабылдап жатқан тұрғындарға қажетті медициналық құрал-жабдықтардың 7 данасын 600 мың теңге көлемінде алып берді.
Серікбай Хасанов,
Қаратөбе ауданы
zhaikpress.kz
