Жалпақтал ауылдық округінің әкімі Ғаділбек Әлібеков Астана қаласында өткен «Жайдарман Junior – 2024» ойынынан үлкен жетістікпен оралған жайдарманшыларды қабылдады.
Жастар арасындағы ауыл белсендісі Нұрлан Табылдиев, Ғинаят Молдашев атындағы ОЖББ мектебінің кітапханашысы Алтынбек Казиуллин, аға тәлімгер Дәулет Мағжанның жетекшілігімен барып келген жайдарманшыларды үлкен жетістіктерімен ауылдастары атынан құттықтаған Ғаділбек Әлібекұлы «Жалпақтал құрамасы» командасына Алғысхат табыс етіп, алдағы наурыз айында Алматы қаласында өтетін ойынға қатысатын жас таланттарға сәттілік тіледі.
Өз кезеңінде сөз алған Дәулет Мағжан ауыл әкімі Ғаділбек Әлібеков пен аудандық мәслихат депутаты Мәди Меңдешевке «Қазақстан КВН Одағы» республикалық жастар қоғамдық бірлестігінің Президенті Есен Елеукеннің атынан арнайы жазылған Алғысхат табыс етті.
Қыдыр Харесұлы,
Казталов ауданы
zhaikpress.kz
