Жаңақала аудандық мәдениет тілдерді дамыту, дене шынықтыру және спорт бөлімінің қолдауымен, аудандық мәдени-демалыс орталығының ұйымдастыруымен «Жаңа дауыс» аудандық музыкалық жас талант жобасының ІІ кезеңі өтті.
Ақпан айынан жалғасып келе жатқан шараның басты мақсаты талантты жас орындаушылардың қабілетін шыңдау мен өнер жолына бағыттау, сондай-ақ, жас таланттарды үлкен сахнаға шыңдалуға бағыттау.
Байқаудың бірінші кезеңінен үздік деп танылып шыққан өнерпаздар үш тәлімгерге бөлініп, барлығы 11 жас әнші бақ сынап көрді. Аудандық мәдени-демалыс орталығының балалар мен жастар бөлімінің әдіскері – Меңдігүл Нысанбайқызы, аталмыш мекеменің әдістеме бөлімінің меңгерушісі – Жанболат Болатұлы және әдіскер-бағдарламашы Анита Қанатқызы тәлімгер ретінде тағайындалып, әр қатысушыға баға берді.
Нәтижесінде жанды дауыста ән шырқап, көзге түскен 6 өнерпаз тартысты жарыстың үшінші кезеңіне жолдама алды.
Ақерке Ғилымхан,
Жаңақала ауданы
zhaikpress.kz
