Мемлекет басшысы Қасым-Жомарт Тоқаевтың «Бұл – уақытша науқан емес, елімізді көркейтуге бағытталған маңызды жоба» деп атап өткен «Таза Қазақстан» бастамасы аясында Жаңақала ауданында қоршаған ортаны тазалау және көгалдандыру мақсатында ауқымды сенбілік өтті.
Тазалық акциясына 300-ден астам тұрғын мен мекеме қызметкері белсене қатысып, мекеме аумақтары, ішкі көшелер мен іргелес аймақтар қоқыстан толықтай тазартылды. Жұмысты жедел әрі сапалы жүргізу үшін 12 арнайы техника жұмылдырылып, нәтижесінде полигонға 30 тонна қоқыс шығарылды.
Барлық ауылдық округ тұрғындары атсалысқан бұл шара барысында елді мекендерді жасыл желекке айналдыру мақсатында Қырқопа ауылында терек көшеттері отырғызылды.
Райхан Хамзина,
Жаңақала ауданы
