Жаңа оқу жылында Ақжайық ауданына 15 жас маман жұмысқа орналасқан. Дегенмен ауданда кадр жетіспейді.
-Аудан орталығындағы апатты деп танылған Абай атындағы мектеп гимназиясына жаңа 300 орындық мектеп пен 100 орындық интернатының құрылысы жүруде. Жоспар бойынша биыл 1 қыркүйекте іске қосылады.
«Ауыл ел бесігі» бағдарламасы аясында Чапаев ауылындағы №1 орта мектеп ғимаратына күрделі жөндеу жұмыстары жүргізіліп, пайдалануға берілді. Күрделі жөндеуді қажет ететін Алғабас мектебінің жобалық-сметалық құжаты сараптамадан өтті.
Краснояр мектебінің жобалық-сметалық құжаттамасы жасалып, сараптамаға жолданады және Базартөбе мектебінің жобалық-сметалық құжаты дайындалады, - деді аудан әкімі Қ.Айтмұхамбетов.
Ақжайық ауданындағы 8 орта, 12 негізгі, 9 бастауыш мектепке күрделі жөндеу қажет. Атамекен ауылындағы М.Өтемісов атындағы мектебі 2017 жылы апатты деп танылған, бүгінде құжаттары әзірленуде.
-Ауданымызда 13 орта мектепте су және канализация жүйесімен қамтылған ішкі әжетханалар жұмыс жасайды. Өткен жылы аудан бюджетінен 6 млн. теңге қаражат бөлініп, 10 орта мектептердің ішкі санитарлық жабдықтарының қажетті негізгі материалдары алынып, орнату жұмыстары жүргізілді. Ендігі кезекте 1 орта, 12 негізгі және 9 бастауыш мектепті санитарлық қондырғылар, ішкі және сыртқы канализация жүйесімен қамту, қазіргі заманға сай санитарлық нормалармен сәйкестендіру жұмыстарын жүргізуді жалғастырамыз,-деді аудан басшысы.
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
