Жасанды интеллект және цифрлық даму министрлігі отандық технологиялық кәсіпкерлікті қолдау және Қазақстанның аймақтық IT-хаб ретіндегі позициясын нығайту мақсатында ауқымды бастама көтерді.
Фото: istockphoto.com
Ведомство экономиканы цифрлық трансформациялау аясында Astana Hub қатысушыларын қолдаудың 2028 жылдан кейінгі параметрлерін бірден 2045 жылға дейін ұзарту жоспарын әзірлеп жатыр. Мұндай ұзақ мерзімді пайым ЖИ саласындағы жаһандық трендтерді, экспорттық әлеуетті кеңейтуді және елге жоғары технологиялық инвестицияларды тартуды көздейді. Бұл реттегі басты міндет — қол жеткізілген қарқынды сақтай отырып, әрбір IT-компанияға өз бизнесін ондаған жылдарға алдын ала болжап, сенімді жоспарлауға мүмкіндік беретін қолайлы орта құру.
Бүгінгі таңда Astana Hub экожүйесі еліміздің цифрлық экономикасына елеулі үлес қосып, тұрақты өсім көрсетіп отыр. Қазіргі уақытта хабта 2 268 компания тіркелген, олардың арқасында 35 мың жоғары білікті жұмыс орны құрылды. Сонымен қатар, стартаптар мен жобаларға 438 млрд теңге инвестиция тартылып, қазақстандық IT-шешімдердің экспорт көлемі 1,9 млрд АҚШ долларына жетті. Қазіргі уақытта министрлік сарапшылар қауымдастығымен және мүдделі мемлекеттік органдармен бірлесіп, қолданыстағы қолдау тетіктерін заман талабына сай бейімдеу жұмыстарын жүргізуде. Бұл стратегиялық қадам Қазақстанды әлемдік технологиялық бизнес үшін ең тартымды әрі бәсекеге қабілетті аймақтардың біріне айналдыруға жол ашады.
