Сырымдықтар Наурыз мерекесін өңірдегі ақын, балуан, әншінің басын қосқан "DALAGER" этнофестивалімен бастаған болатын.
Ұлыстың ұлы мейрамы көшелер думанымен жалғасты. Алғашқы той Қазақстан көшесінде өтті. "Сырым колледжі", Сырым аудандық қорғаныс бөлімі, Сырым аудандық жастармен жұмыс жөніндегі ресурстық орталығы мен "Сырым елі" қоғамдық - саяси газетінің редакциясы ұйымдастырған наурызтойға С. Сейфуллин, Абай, Құрманғазы, Өребаев секілді көше тұрғындары қатысты.
Боз үй тігіліп, қазан көтеріліп, халыққа тегін палау мен бауырсақ таратылды. Салтанатты шарада Жымпиты ауылдық округінің әкімі Мейрам Қайырғалиев, "Сырым колледжі" мекемесінің директоры Санат Берсебаев ауылдастарын мерекемен құттықтады.
Әрі қарай дүбірді Б. Қаратаев, М. Мәметова, Ә. Молдағұлова, Амангелді көшелері жалғап, Қарасу мөлтекауданы Өлеңті шарықтатты.
Бүгін Жымпитыдағы орталық алаңда Наурыз тойы өтеді. Бұл - жетінші күн!
Бауыржан Ширмединұлы,
Сырым ауданы
zhaikpress.kz
