Бүгін Мәстексай ауылдық округінің ұйымдастыруымен Мәстексай совхозының құрылғанына 60 жыл толуына және Қариялар күніне орай мерекелік шара ұйымдастырылды.
Ауыл тарихынан сыр шертетін думанды жиында ауылдық округ әкімі Ержан Тілепбергенов, ақын, жазушы Закария Сисенғали және өңірдің дамуына елеулі үлес қосқан еңбек ардагерлері һәм ардагер ұстаздар бас қосты.
Іс-шара барысында кеш қонақтары ауылдық музейдегі ауыл тарихымен ұштасып жатқан құнды дүниелер мен ел есіндегі тұлғалардың өмірінен мәлімет алып, ауылдық кітапхана ұйымдастырған кітап көрмесін тамашалады.
Содан соң С.Меңдешев атындағы ЖОББ мектептің 8-10 сынып оқушыларының қатысуымен «Қарттарым – асыл қазынам» атты тәрбие сағатына қатысып, ауыл әкімдігінің қонақтарға арнап жайған ақ дастарханынан дәм татты.
7,8 қазан күндеріне жоспарланған мерекелік шараның бірінші бөлімі Мәстексай ауылдық мәдениет үйіндегі мың бұралған бишілер мен күміс көмей әншілердің сазды кешімен аяқталды.
Нұргүл Елтайқызы,
Жаңақала ауданы
zhaikpress.kz
