Бүгін Жаңақала ауданына қарасты Қызылоба ауылдық округінде ауыл әкімі сайлауы өтіп жатыр. №129 сайлау уческесі 6:00-де ашылып ,тұрақты және тасымалданатын жәшіктердің тұтастығын, оларда сайлау бюллетеньдерінің жеткілікті қойылғаны тексерілді.
Алдымен, Қазақстан Республикасының Гимні ойналып, жауапты комиссия мүшелері жарияланды. Жергілікті тұрғындар 7:00 - ден бастап заң нормалары белгіленген тәртіпке сәйкес өз таңдауын жасауда. Сондай-ақ, сайлаудың ашық әділ өтуін қамтамасыз ету мақсатында әр кандидаттың сенімді өкілдері сайлау үдерісіне жіті бақылау жүргізуде.
Бүгінгі сайлауда алғаш болып өз таңдауын жасаған тұрғын Сайран Хайруллинге сыйлық табыс етілді. Сайлау учаскесінің комиссия төрағасы Ахметдияр Айтқалиевтің айтуынша, № 129 сайлау учаскесінде 643 сайлаушы бар. Үйден дауыс берушілер саны - 14.
Фариза Махамбетова
Жаңақaла ауданы
