Жаңақаладағы «Тәуелсіздік» саябағында Ұлттық домбыра және Астана күндеріне орай «Қасиетті домбыра – Асқақтаған Астана» атты концерт өтті.
Қазақ өнерінің асыл діңгегі саналатын Домбыра күні тұңғыш Президентіміздің жарлығымен 2018 жылы өз мәртебесін алып, шілденің алғашқы жексенбісі деп жарияланған болатын. Сондай-ақ ұланғайыр еліміздің бас қаласы – Астанада сан қилы тағдырларды тоғыстырған қала.
Мәдени-демалыс орталығының көркемөнерпаздары дайындаған сазды сәлемдемелері орындалып, жиналған көрермен қошеметін аямады.
Сонымен қатар аудан тұрғындарының жазғы бос уақыттарын тиімді өткізіп, оларға жайдары көңіл-күй сыйлау мақсатында маусым-тамыз айлары аралығында әр бейсенбі «Жаңақалам – жайсаң далам» атты ауылдық мәдениет үйлерінің жазғы фестивалі ұйымдастырылып жатыр.
Осы кеш Мәстексай және Мұқыр ауылдық округтерінің көркемөнерпаздары дайындаған концертке ұласты.
Ақерке Ғилымхан
Жаңақала ауданы
