Аға ұрпаққа деген ізетінен жаңылмайтын "Жайық Пресс" медиахолдингінің ұжымы биыл да, қалыптасқан дəстүр бойынша, облыстық қос басылымда қызмет еткен, бүгінде зейнет демалысындағы жасы үлкен əріптестеріне құрмет көрсетті.
Бас директордың орынбасары Мейрамбек Рахметуллин жиналғандарды Қариялар күнімен құттықтап, ізгі тілегін білдіріп, сый-сыяпат ұсынды.
Бұдан соң ол мекеменің тыныс-тіршілігімен, қос басылымның ғасырлық тойына орай қолға алынып жатқан жарқын жобаларымен және оң өзгерістермен таныстырып өтті.
Сонымен қатар ардагер журналист, ұзақ жылдар редактор боп қызмет атқарған Энгельс Шыңғалиевті мерейлі 75 жасымен құттықтап, құттықтау хат табыс етті.
Ардагерлер де өздеріне құрмет көрсеткен "Жайық Пресс" ЖШС-нің басшылығына алғыстарын жаудырып, ыстық ықыластарын білдірді.
Айгүл Ахметова
www.zhaikpress.kz
