Бәйтерек аудандық «Жұбан молда» мешітінде ауыл молдаларының білім-біліктілігін арттыру мақсатында «Жаназа және жерлеу рәсімдері» тақырыбында оқыту семинары өтті.
Семинарға облыстық мешіттің найб имамы Бақытжан Сабырәлиев арнайы келіп, асыл дініміз және жаназа шығару кезінде ескерілетін жайттар туралы түсінік беріп өтті.
Оқу барысында молдалар дін маманына өздерін толғандырған сұрақтарын қойып, жаназа кезінде көп кездесетін жайттар жайында толық ақпарат ала алды.
Сондай-ақ молдалардың білігін арттыруға арналған семинарға арнайы келген аудан әкімінің орынбасары Ерікқали Бисақаев дін өкілдерінің қоғамдағы жауапты міндеттеріне тоқталып, қаралы үйдегі ысырапшылдық мәселесін көтеріп, санитарлық талаптардың қатаң сақтаолуын, орындалуын ұдайы назарда ұстау қажеттігін айтты.
Аружан БОЛАТБЕКҚЫЗЫ,
Бәйтерек ауданы
zhaikpress.kz
