Бүгін Жаңақала ауданында мектеп түлектерінің болашағын бағамдайтын Ұлттық бірыңғай тестілеу қорытындыланды. ҰБТ-ге қатысқан аудан түлектері сынақ қорытындысы бойынша орташа 77,13 балл жинады.
Биыл аудан бойынша мектеп бітірген 246 түлектің 171-і ҰБТ-ға қатысқан. Ол мектеп бітіруші түлектердің 69,9 пайызын құрайды "Алтын белгіге" үміткер 13 түлектің 3-уі ғана үмітті ақтады. Олар -Пятимар ЖББОМ оқушылары Сағынов Әли, Өтегенов Ақжол және Жаңақала мектеп-гимназиясының түлегі Самиғоллина Айнара.
Ал үздік аттестатқа үміткер 2 түлек өз білімдерін қорғай алмады.
Аудандық білім беру бөлімі хабарлағандай, ауданда Ұлттық бірыңғай тестілеу әділ түрде өтті. ҰБТ-ге түлектер толықтай қатысып, ешқандай заң бұзушылық орын алған жоқ.
www.zhaikpress.kz
Н.ЕСЕТОВА
Жаңақала ауданы
