БҚО прокурорының бірінші орынбасары Даурен Умарғалиев атап өткендей, су тасқыны кезінде қабылданып жатқан шараларға қарамастан, жекелеген адамдар рұқсат етілмеген наразылық акцияларына шақыруды, жалған ақпарат таратуды жүзеге асырады, сондай-ақ ұлттық негізде арандатулар жасағандар да пайда болған. Аталған барлық фактілер құқық қорғау органдарының тәулік бойы бақылауында, олар дереу тоқтатылады.
– Су тасқыны кезеңінде аталған фактілер бойынша 7 адам әкімшілік жауапкершілікке тартылды. Оның ішінде 1 адам қоғамдық орында жеке тұлғаларды қорлағаны үшін (ӘҚБтК 434-бабының 1-бөлігі бойынша 10 тәулікке қамауға алу қолданылды), 1 адам ұлтаралық және әлеуметтік араздықты қоздырғаны үшін (ӘҚБтК 453-бабының 2-бөлігі бойынша 20 АЕК айыппұл салынды), 2 адам жалған ақпарат таратқаны үшін (456-баптың 3-бөлігі бойынша-2 ӘҚБтК 20 АЕК айыппұл салынды) және көлік құралдарының қозғалысына шектеу қойғаны үшін 3 адам (ӘҚБтК 614-бабы бойынша 3 АЕК айыппұл салынды). Осыған байланысты, біздің азаматтарымызға құқықтық салада барлық проблемалық мәселелерді шешуді ұсынамын, бұл үшін барлық жағдайлар жасалған және тек ресми дереккөздерден алынған ақпаратқа сену керек, - деді Дәурен Умарғалиев.
Түгелбай Бисен,
zhaikpress.kz