Бүгін Мәжілістің жалпы отырысында депутат Елнұр Бейсенбаев теміржол жолаушылары тасымалы мәселесін көтеріп, Үкіметке сауал жолдады. Бұл туралы Ұлттық арна telegram-каналында жазды.
«Теміржол жолаушылар тасымалы сапасының төмендігі сын көтермейді. Кондиционері істемейтін, терезелері ашылмайтын, қабырғасында қоңыздар жүретін, қазіргі уақытта тозығы жеткен вагондарға жаз мезгілінде билет сатып алу арман болды. Ал сәті түсіп билет тапқан бақытты жандарды вагон ішіндегі нағыз масқара күтіп тұрады. Билеттер тапшылығымен қатар, билет бағасының қымбатшылығын көріп отырмыз», - деді депутат.
