Туған жерге деген патриоттық сезім – әр түлектердің жүрегінде сөзбен де, іспен де жаңғырып тұруы тиіс. Бұл бағытта "Туған жер" бағдарламасы аясында Казталов ауданында 77 млн. 400 мыңға 45 жоба жүзеге асып отыр.
Бүгінгі күні көпкүтірлік түлектер игі істі жалғастырып, тағы бір нысанға толықтырды. Халыққа, әсіресе болашақ ұрпаққа маңызы бар мәдениет ошағын тұрғызуға бір кісідей ауызбіршілікпен жұмыла кірісті.
Мақсат қойды. Бастады. Соның арқасында көпкүтірлік 1978 жылғы түлектердің қолдауымен 100 орындық «Ауылдық клуб» нысаны бой көтерді. Бәрекелді дерсіз! Әсте елді, жерді сүю осылай болса керек-ті!
Ауылдық клубтың ашылу салтанатына қатысқан аудан әкімі Асланбек Ахметоллаұлы Сарқұлов, аудандық мәслихат төрағасы Сәрсенбай Меңдіжанұлы Молдашев ауыл тұрғындарын қуаныштарымен құттықтап, ауыл азаматтарына алғысхаттарын табыстады.
Жұлдыз Асқар,
Казталов ауданы
zhaikpress.kz
