Бүгін Жаңақала аудандық білім беру бөлімі және «Jastar» спорт клубының ұйымдастыруымен Ұстаздар мерекесіне орай спартакиада басталды.
Жарыстың ашылу салтанатына аудан әкімі Алпамыс Жаңабайұлы, білім беру бөлімінің басшысы Данял Жұпмағамбетұлы, мәдениет, тілдерді дамыту, дене шынықтыру және спорт бөлімінің басшысы Ақнұрлы Нұрғалиқызы, «Jastar» спорт клубының директоры Жанболат Жасқайратұлы қатысты.
Аталмыш сайыста аудан және ауылдық мектептердің мұғалімдерінен жасақталған 18 команда сайысқа түсіп жатыр. Жарыстың шымылдығын ашу үшін аудан әкіміне сөз кезегі беріліп, барша ұлағатты ұстаздарымызды мерекемен құттықтап, қатысушы топтарға сәттілік тіледі.
Содан соң Қазақстан Респубикасының Гимні ойналып, додаға қатысушылар шаршы алаңына шығу дайындығына кірісіп кетті. Командалар волейбол, шахмат және шашка, теннис ойыны мен арқан тартыс бойынша бақ сынайды.
Сайыс қорытындысының нәтижесі кешке жарияланатын болады.
Фариза Махамбетова
Жаңақала ауданы
