Оралға 25 қаңтарда Ресей Федерациясынан зиянды вирусы бар 1 тонна қызанақ әкелінген. Қызанақ Әзірбайжан республикасында өндірілген.
ҚР АШМ АӨК МИК Орал қалалық аумақтық инспекциясының өсімдіктер карантині жөніндегі мемленкеттік инспекторы фитосанитариялық бақылау және қадағалау барысында морфологиялық белгілері бойынша карантиндік объектіге ұқсас затты анықтады. Одан іріктеліп үлгілер алынып ПТР сарапатамасынан өткізу үшін Ақтөбе аймақтық карантиндік зертханасына жіберілді.
Зертхана қорытындысына сәйкес аталған өнімнен карантиндік объект қызанақ жемісінің қоңыр қатпарлы вирусымен залалданғаны анықталды.
Осыған сәйкес жеке кәсіпкерге ҚР Әкімшілік құқық бұзушылық туралы кодексінің 400-бабының 2-бөлігінің 1-тармағына сәйкес әкімшілік хаттама толтырылып, Орал қаласының әкімшілік құқық бұзушылық жөніндегі мамандандырылған ауданаралық сотына жолданды.
Сот қаулысына сәйкес жеке кәсіпкер кінәлі танылып, әкімшілік жаза ретінде айыппұл салынды. Сақтауда тұрған қызанақ тәркіленіп, оны жою туралы шешім қабылданды.
Бүгін комиссия мүшелерінің қатысуымен бір тонна қызанақ жойылды.
Ерлан Орынбаев,
ҚР АШМ АӨК МИК Батыс Қазақстан
облыстық аумақтық инспекция басшысы
