Теректі ауданы әкімінің есептік кездесуіне келген БҚО әкімі Ғали Есқалиев аудан аумағында жасалып жатқан біраз жұмысқа қанықты.
Өңір басшысы "Теректі" сауықтыру кешенінің жұмысымен танысты. Жергілікті кәсіпкер Сержан Идиятовтың өз қаржысына ашқан кешен теректіліктердің демалыс орнына айналып үлгерген. Сауықтыру кешенінің құрылысына 200 млн. теңге жұмсалған.
Кешен 100 адамға арналған қоғамдық монша, бассейн, пиццерия, караоке-клуб секілді орындарды қамтиды.
Кешен 20-дан астам адамды тұрақты жұмыспен қамтып отыр. Облыс әкімі туған өлкесіне жанашырлық танытып жүрген кәсіпкерге алғыс білдіріп, жұмысының жемісін көруіне тілектестік білдірді.
Әділет Орынбасаров
Теректі ауданы
zhaikpress.kz
