Батыс Қазақстан облысында «Елбасы медалі» жобасының қола медаль иегерлері марапатталды.
Қазақстан Республикасы Тұңғыш Президенті жанындағы Елбасы қоры және дарынды жастар мен көшбасшыларды қолдау, дамытуға бағытталған «Ел үміті» бастамасы аясында өткізілген «Елбасы медалі» жобасына облыс бойынша 14-29 жас аралығындағы балалар мен жастардан барлығы 265 адам қатысып, 114 қатысушы республикалық комиссияның шешімімен «Елбасы медалі» жобасының қола медалі және төсбелгісі иегерлері атанды.
Қола медаль 6 ай ішінде 7 бағыт бойынша арнайы тапсырмаларды орындап, өз қабілеттерін шыңдаған жастарға берілді.
Жеңімпаздарымызға күміс, алтын медаль иегерлері атануға тілек білдіреміз!
Оқушыларды дайындаған ұстаздарға, мектеп ұжымдарына, ата-аналарға алғысымыз шексіз!
Үміт Жәңгірова
