Цифрлық даму, инновациялар және аэроғарыш өнеркәсібі вице-министрі Асхат Оразбек Қазақстанда жаңа, төртінші ұялы байланыс операторының пайда болу ықтималдығы туралы түсініктеме берді, деп хабарлайды Tengrinews.kz тілшісі.
Сурет: istockphoto.com
Оның айтуынша, реттеушінің нақты жоспары жоқ.
«Мен мұндай мүмкіндіктің болуы ықтималдығы туралы ғана айтып бердім. Бірақ реттеуші бүгінде төртінші ұялы байланыс операторын нарыққа шығаруды жоспарлап отырған жоқ», - деді А.Оразбек Сенатта өткен брифингте.
Вице-министр бұл ұстанымын да түсіндірді.
«Егер бүгінгі таңда жұмыс істеп тұрған үш оператор нарықта жеткілікті дәрежеде тиімді бәсекелесетін болса, онда біз қосымша бәсекелестікті арттыру қажеттігін көріп отырған жоқпыз», - деп толықтырды ол.
