Қазақстандық параспортшылар Еуропа чемпионатынан 4 медаль жеңіп алды

15-23 қыркүйек аралығында Түркияның Ыстанбұл қаласында паратаеквондо бойынша IX Еуропа чемпионаты өтті, деп хабарлайды ҚазАқпарат.

Оған әлемнің 12 мемлекетінен 121 спортшы қатысты. Бұл - Париж 2024 паралимпиада ойындарына рейтингтік ұпай беретін алғашқы ірі жарыс болды.

Чемпионатта Қазақстан Республикасының Ұлттық паралимпиада құрама командасы 4 медаль ұтып алды:

1 орын - Мәлік Мұқашев (к41 -80 кг),

1 орын - Кәмиля Досмалова (к44 +75 кг),

3 орын – Нышан Өмірәлі (к44 -80 кг),

3 орын – Нұрлан Домбаев (к44 -80 кг).

Оған қоса, жалпыкомандалық есепте Қазақстан Ресей мен Түркиядан кейін үшінші орын алды.