Мамырдың соңына дейін елімізде коронавирус жұқтырғандар саны 5,3 мыңға жетуі мүмкін. Бұл туралы Қазақстанның бас мемлекеттік санитар дәрігері Айжан Есмағамбетова мәлім етті, деп хабарлайды ҚазАқпарат тілшісі.
Баспасөз мәслихатында алдағы уақытта Қазақстан бойынша коронавирус жұқтырғандар саны қаншаға дейін жетуі мүмкін екендігі сұралды. «Жалпы Қазақстан бойынша сәуір айның соңына дейін 3 400-ге жуық оқиғаны болжап отырмыз. Ал мамыр айының соңына дейін коронавирус жұтырудың 5 300-ге тарта оқиғасы тікелуі мүмкін», - деді Айжан Есмағамбетова онлайн режимде өткен баспасөз мәслихатында.
Осы орайда ол бұдан бұрын жасалған болжамға түзетулер енгізілгенін атап өтті. Еске сала кетейік, бір апта бұрын мамырдың соңына дейін елімізде коронавирус жұқтырғандар саны 4 мыңға жетуі мүмкін екені айтылған еді.
zhaikpress.kz
