Төтенше жағдайдың алдын алу мақсатында Бөрлі ауданында үш өрт сөндіру бекеттері ашылды.
Ауыл тұрғындарының негізгі күнкөріс көзі - егін мен мал шаруашылығы. Сондықтан әрбір жайылымдық жер маңызды. Екі жыл бұрын ауылдарда өрт сөндіруші бекеттері жұмысын тоқтатып, ағайын тосыннан тиген тілсіз жауды бүкіл ауыл болып әрең тоқтатушы еді. Кейін ел ағаларының бастауымен ерікті құтқару жасағы құрылып, аудан әкімдігі бұл жұмыстарға трактор алып берді.
Дер кезінде дабыл қағылған жағдайдың өзінде тілсіз жау айналаны шарпып үлгереді. Аптап ыстық күндер енді басталатындығын ескерсек, бұл қауіп сейілмейді. Енді қызыл жалыннан келетін қауіп азайған. Сондықтан тұрғындар алаңсыз. Өйткені ауданға қарасты Қарағанды Ақсу, Успен ауылдық округтерінде ашылған өрт сөндірушілер қосылып, жақын маңдағы ауылдарға да қызмет ететін болады. Жалпы, бұл жұмыстарға аудан қазынасынан 45 млн. теңге қаражат бөлінген.
Бекеттерде ауылда бекер жүрген 27 тұрғын жұмысқа алынып, 3 өрт сөндіру техникасымен қамтылды. Бекеттердің ашылу салтанатында № 42 ӨСБ бастығы Асылбек Мусинге «Қазақстан патриоты» медалімен марапаттаса, Ақсу ауылдық округіне Дрон бейнекамерасын сыйлады. Көмегі көп бұл құрылғы өрт ошағы орнын барлауды жүзеге асыруға және от бағытын анықтауға арналған. Дрон тепловизормен жабдықталған және оның көмегімен жеке құрамға бұйрық беруге болады.
Айым Нұрғалиева
Бөрлі ауданы
zhaikpress.kz
