Еліміздегі ахуалға байланысты топ болып жүгіруді ұмытып, әуесқой марафоншылар онлайн марафондарға қатысатын болды.
Соның ішінде облыстық дене шынықтыру және спорт басқармасының басшысы Қаймен Есендияров айтқандай, бүгінгі таңда облыс бойынша марафоншылар десе, "Uralsk Runner's"-пен тең деңгейде "Syrym Runner's"-тың да аты жиі естіліп жүр.
Тамыздың орта шенінде Қостанай облысында онлайн марафон өткелі жатқанын естіген едік. Бұл марафонда да сырымдықтар топ жарды. Спортсүйгіш жерлестеріміздің жүлделері туралы Қостанайдан қуанышты хабар жетті.
Әйелдер арасында 18-39 жас аралығында 3 км қашықтықта Әсем Шукатова І орын, аталмыш жас аралығынан 5 км қашықтықта Қайырбек Аманғалиев ІІ орын, Сырымбек Төкеш ІІІ орынды иеленді.
Ал күні кеше ғана чемпионның өзі "чемпион" деп мойындаған Жұмағұл Молдабеков 50-59 жас аралығында 5 км қашықтықта ІІ орынға табан тіреді.
Айжан Бауыржанқызы,
Сырым ауданы
zhaikpress.kz
