Бөрлі ауданының 85 жылдығына орай ауданда Сommunity орталығы ашылды. Шағын орталықтың ашылу салтанатына аудан әкімі Миржан Сатқанов арнайы қатысып, орталық жұмысына сәттілік тіледі.
Орталықта тұрғындарға шеберлер әлемі, караоке бөлмелері және студиялық кабинет қызмет ететін болады. Аудандық мәдениет бөлімінің басшысы Ғалия Темірғалиева орталықтағы ашылған бөлімдерге жеке-жеке тоқталып өтті. Ол өз сөзінде: «Тұрғындар игілігіне деп жасақталған бұл орталыққа келушілердің жас мөлшеріне шектеу қойылмайды. Кез-келген тұрғын осы орталыққа келіп, бос уақытын өз ыңғайына сай пайдалануына мүмкіндік ала алады.
Мәселен, караоке бөліміне барып, көңілін көтеріп ән салса, шеберлер бөлімінде түрлі қолөнер бұйымдарын жасауына болады. Негізінен Сommunity-орталығының басты міндеттерінің бірі – халықтық қолданбалы өнер шеберлерін іздеу және біріктіру. Сонымен қатар студиялық бөлімде аудан тұрғындарымен түрлі кездесулер мен пікірталас шарасы өткізіледі. Кейін осы орталықта өткен барлық іс-шараларды Youtube - арнасынан арнайы ашылған "Бөрлі мәдениет" каналынан көруге болады, - дейді.
Сәнім Меңдібай,
Бөрлі ауданы
zhaikpress.kz
