Жеңістің 75 жылдығы ауқымында және қала күніне орай Жеңіс алаңына «Катюша» машинасын орналастыру рәсімі өткізілді.
«Катюша» реактивті артиллерия жүйесі Ұлы Отан соғысы жылдарында ұрыс даласында қолданылған әскери қорғаныс машинасының жанында болған салтанатты шарада қала әкімі Абат Шыныбеков, соғыс және еңбек ардагері Вениамин Сколенко құттықтау сөз сөйледі.
Бұдан соң ашық аспан астындағы әскери техникалар музейіне «Катюша» машинасын орнатуға ықпал еткен Вячеслав Валиев, Аветик Амирханян және Жеңіс мемориалдық кешеніне орнатылған пилондарға тарихи деректер мен ақпараттарды жинақтап, жаңғыртуға үлес қосқан Ахмедияр Батырханов сынды азаматтар қала әкімінің алғыс хатымен марапатталды.
Нұрымбек Жапақов,
zhaikpress.kz
