Атамыз Өтеген Айсағалиев – екінші дүниежүзілік соғыстың майдангері еді. Ол 1920 жылдың 1 қаңтарында Жалпақтал топырағында дүниеге келген. Карл Маркс атындағы бастауыш мектептен 4 кластық білім алып, еңбекке араласады. 1931 жылдан бастап Балықтыда қарапайым жұмысшы, кейін есепші қызметін атқарады. Ал сұрапыл соғыс басталған сәтте алғашқылардың бірі болып майдан даласына аттанды. Сол жылдың 26 маусымы күні аяғынан жараланады. Емделіп шыққан соң, қайтадан әскер қатарына оралып, бірнеше қала мен елді мекенді жаудан азат ету ұрыстарына қатысады.
Облыстық «Орал өңірі» газетінің №91 санында аталары жөнінде «Қатардағы жауынгер» атты мақалада Казталов ауданы Жаңажол ауылынан немерелері Асылжан, Ерасыл Өтегеновтер осылайша тебіренеді.
zhaikpress.kz
