5 желтоқсан - Еріктілер күніне орай С.Садықов атындағы мәдени-демалыс орталығында Казталов ауданы әкімінің «Үздік волонтер - 2020» жастар сыйлығы байқауының салтанатты марапаттау рәсімі өтті. Салтанатты шараның ұйымдастырушысы - аудандық жастармен жұмыс жөніндегі ресурстық орталығы.
Мемлекет басшысы Қасым-Жомарт Кемелұлы 2020 жылды Еріктілер жылы деп жариялаған болатын. Бұл жылда еріктілердің қатысуымен бірқатар жобалар мен жұмыстар жүзеге асты. Атқарылған жұмыстардың басы-қасында елім, халқым деген ерікті жандар табылды. Олардың еңбектерінің зор екендігін ескере отырып, түрлі марапаттар ұсынылды. Соның бірі - Казталов ауданы әкімінің «Үздік волонтер - 2020» жастар сыйлығы. Атаулы шараға аудан әкімі Альберт Есалиев арнайы қатысып, еріктілерді төл мерекелерімен құттықтай отырып, ауданымыздың дамуына өзіндік үлесін қосып жүрген азаматтарды алғысхатпен және арнайы сыйлықпен марапаттады.
Казталов ауданы әкімінің «Үздік волонтер - 2020» жастар сыйлығы «Birgemiz:Sabaqtastyq», «Birgemiz:Saulyq», «Birgemiz: Qamqor», «Birgemiz: Taza Alem» бағыттары, «Birgemiz: Umit» бағыты
16 жастан жоғары «Үздік волонтер», 16 жасқа дейін «Үздік жас волонтер», «Үздік волонтерлік отбасы», 55 жасқа дейін «Күміс волонтер», «Үздік волонтерлік топ», «Үздік волонтерлік ұйым» аталымдары бойынша табысталды. Сонымен бірге аудан әкімінің атаулы сыйлығын табыстау мәртебесі аудандық ішкі саясат бөлімінің басшысы Айша Әбішеваға, Казталов ауылдық округінің әкімі Арман Ғалымовқа, аудандық жастармен жұмыс жөніндегі ресурстық орталығының директоры Аңсар Ибраевқа ұсынылды.
Барлық аталым бойынша жыл үздіктері атанған еріктілерді жеңістерімен құттықтай отырып, ауданымыздың қоғамдық жұмыстарының жандануына алдағы уақытта да өз үлестерін қоса берсін демекпіз.
Асылбек Нәсіпқали,
Казталов ауданы
zhaikpress.kz
