18 желтоқсан күні «Nur Otan» партиясы Казталов аудандық филиалы атынан аудандық мәслихат депутаттығына үміткерлер Есбол Сақауов пен Абылайхан Шакуов жастармен кездесті. Кездесу Сағи Садықов атындағы мәдени-демалыс орталығында өтті.
Кездесу барысында үміткерлер жастарға қолжетімді жобалар мен «Nur Otan» партиясы Казталов аудандық филиалының сайлауалды бағдарламасы шеңберінде жастарға жан-жақты қолдау көрсетуді арттыру мақсатында қолға алынған бағдарламалардың мақсаты мен міндеттері түсіндірілді.
Жастармен өткен кездесуде белсенді жастар үміткерлерге кәсіпкерлікті дамыту, білім саласы, ауданның экономикалық-әлеуметтік дамуына қатысты сұрақтар қойып, тиісті жауаптарын алды.
Сонымен қатар кездесуде үміткерлер партияның осы уақытқа дейінгі жеткен жетістіктері мен алдағы уақыттағы атқарылатын жұмыстарын тілге тиек етіп, жастарды партияны қолдауға шақырды.
Казталов ауданында 6500-ден астам жас бар. Жалпы есеппен алғанда халықтың 23 пайызын құрайды. «Nur Otan» партиясы Батыс Қазақстан облысы Казталов ауданы бойынша сайлауалды бағдарламасында көрсетілген жеті бағыттың бірі – «Жастарға арналған аудан» бағыты. Бұл бағыттың басты мақсаты – 2025 жылға қарай мемлекеттік органдармен бірге ауылдық жерлерге жастарды тарту және оларды жұмыспен қамтуды, олардың шығармашылық тұрғыдан өзін-өзі жүзеге асыруы және әлеуетін дамыту үшін жағдай жасау.
- Елімізде жастарға арналған тиімді жобалар көп. Дегенмен жастардың көпшілігі оның қыр-сырын меңгермегендіктен көптеген сұрақтар туындайды. Бүгін «Nur Otan» партиясы Казталов аудандық филиалы атынан аудандық мәслихат депутаттығына үміткерлерімен өткен кездесуде партияның бағдарламасы шеңберінде қолға алған жобалары кеңінен насихатталып, әр үміткер өз біліктілігі бойынша әр саланы қамтып жауап берді. Бұл кездесу жастардың біліктілігінің артуына өз септігін тигізді деген сенімдемін. Жастарды сайлауда еліміздің жетекші партиясы «Nur Otan» партиясын қолдауға шақырамын, - дейді аудан белсендісі Мұқағали Шоқпанов.
Асылбек Нәсіпқали,
Казталов ауданы
zhaikpress.kz
