«Бесік» деген қазақ халқына етене таныс, жүрегіне жақын сөз. Сәбиді бесікке саларда үлкендер: «Тал бесіктен басталған өміріңе жер бесікке жеткенше жамандық жоламасын!» – деп тілек айтып жатады. Қазақта бесік қасиетті, киелі, құтты мүлік, сәбидің алтын ұясы болып есептеледі. Бесік әр түрлі ағаштан жасалады. Ертеректе бесік қасиетті ағаштың бірі – тобылғыдан жасалыпты. Өйткені тобылғы бесікте тербелген сәби «арыстандай топ жарады, жолбарыстай жол тосады» деп ырымдайды. Тобылғының қасиетін білетін жандар сол мықты діңнен жасалған бесікті таңдайды.
Бесік турасында облыстық «Орал өңірі» газетінің №101 санында теректілік ардагер ұстаз Ғазиза Рахметова «Әлдилеген үн қалсын құлағында» атты мақаласында оқырманға ой салады.
zhaikpress.kz
