Қай заманда да, қай қоғамда да дара тұлғаның жөні бөлек. Солай болған, солай бола да береді. Елім деген, жерім деген ерлердің тарихтың тар тұстарында қандай іргелі һәм ірі істер атқарғанына кәрі тарих куә.
Таққа отырған ежелгі Рим императорлары «Тарих меннен басталады» деп айтқанды ұнатады екен. Кешіріңіз, осындайда француз жазушысы Александр Дюманың (әке Дюма) «Құдай болашақты ғана өзгертіп, жаңарта алады. Ол өткеннің ештеңесін өзгерте алмайды» деген қанатты сөзі ойға оралады.
Ел мұраты мен атажұртының болашағы жолында жанын пида етіп, шейіт кеткен тау тұлғалар хақында жетік білмейтін ұрпақтан мемлекетшіл һәм елі үшін еңірейтін ерлер шығады деу қиын.
Тарих тереңіне көз жүгірткіңіз келсе, облыстық «Орал өңірі» газетінің 5 ақпан күнгі №10 санында жарияланған М.Өтемісов атындағы БҚУ-дың доценті, тарих ғылымдарының кандидаты Жаңабек Жақсығалиевтің «Ірілік феномені» мақаласын оқыңыз!
zhaikpress.kz
