Бөрлі ауданында Ақсай қаласы әкімінің сайлауы өтіп, оған аудандық мәслихат депутаттары толық қатысып, таңдау жасады.
Ақсай қаласының әкімі болып Арсен Толқынұлы Баяндыков сайланды.
Бөрлі ауданы әкімінің 2021 жылғы 12 сәуірдегі №150-ө өкімімен тағайындалған Ақсай қаласының әкімі Арсен Толкынұлы 1982 жылы Батыс Қазақстан облысы Сырым ауданы Жымпиты ауылында дүниеге келген.
Білімі – жоғары. 2002 жылы А.С.Пушкин атындағы Батыс Қазақстан гуманитарлық университетін құқықтану мамандығы бойынша, 2006 жылы «Еуразия» Батыс Қазақстан тілдер және менеджмент институтын есеп және аудит мамандығы бойынша аяқтаған.
Еңбек жолын 2002-2005 жж. Батыс Қазақстан облысы Сырым ауданы бойынша салық комитетінің ұйымдастыру, құқықтық қамтамасыз ету және өндіру бөлімінің салық инспекторы-заңгер болып бастаған.
2005-2006 жж. - Батыс Қазақстан облысы Сырым ауданы Әділет басқармасының бас маманы; 2006-2007 жж. - Батыс Қазақстан облысы Орал қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің бас маманы-заңгер; 2007-2013 жж. - Батыс Қазақстан облысының кәсіпкерлік және өнеркәсіп басқармасының әкімшілік-құқықтық бөлімінің басшысы; 2013-2017 жж. - Батыс Қазақстан облысының кәсіпкерлік және индустриалдық-инновациялық даму басқармасының әкімшілік-құқықтық бөлімінің басшысы; 2017-2020 жж. - Батыс Қазақстан облысы Тасқала ауданы әкімінің орынбасары; 2020-2021 жж. - Батыс Қазақстан облысы «Azat Capital» жауапкершілігі шектеулі серіктестігі директорының орынбасары лауазымдарын атқарған.
12.04.2021 жылдан бастап Батыс Қазақстан облысы Бөрлі ауданы Ақсай қаласының әкімі.
Сәнім Меңдібай,
Бөрлі ауданы
zhaikpress
