Жуырда Тасқала аудандық мәслихаты депутаты Нариман Дюсекешұлымен жүздесіп, сұхбаттасқан едік. Осы 7-шақырылымда сайланып, аудандық бюджет, экономика, инфрақұрылымды, кәсіпкерлікті дамыту жөніндегі тұрақты комиссияны басқарып отырған Нариман Дүйсекешұлына бірнеше сұрақ қойған болатынбыз.
– Жыл басынан бастап 7 тұрақты комиссияның бірлескен отырыстары өткізілді. Сол отырыстар барысында отыз сұрақ қарастырылды. Комиссия әрдайым назарда ұстайтын басты мәселелердің бірі – аудан бюджетін қабылдау және орындау. Біз бұл мәселелерді бюджеттік заңнама талаптарына сәйкес қарастырып жатырмыз. Жыл басынан бері басты назар Тасқала ауданының 2021-2023 жылдарға арналған бюджеті мен ауылдық округтер бюджетін қарастыруға аударылды. Бюджетті бекітуге кіріспес бұрын депутаттар бағдарлама әкімшілерінің ұсыныстарын қарастыратынын ескеру қажет. Мәселен, тұрақты комиссиялардың кеңейтілген отырыстарында 2021 жылға арналған бюджет жобасын талқылау барысында депутаттар салықтық және басқа бюджеттік кірістердің жоспарларымен, бюджеттік бағдарламалар аясында бюджет қаражатының жоспарланған шығыстарымен танысады. Бюджет кодексінің талаптарына сәйкес тұрақты комиссия мәслихат сессиясына шығарылатын бюджет жобасы бойынша қорытынды әзірлейді. Бастапқыда 2021 жылға арналған аудандық бюджеттің көлемі 5 050 529 мың теңге көлемінде бекітілді. Жыл басынан бері ауданның бюджетіне 1 рет және 9 ауылдық округтердің бюджеттеріне 1 рет өзгерістер мен толықтырулар енгізілді. Қазақстан Республикасы Бюджет кодексінің 130-бабына сәйкес тұрақты комиссия 2020 жылға арналған аудан және ауылдық округтер бюджетінің атқарылуы туралы есептерін қарады. Сонымен қатар комиссия отырысында бюджеттік бағдарламаларды іске асыруға байланысты шығыстардың орындалуы мен түсімдері туралы талдамалық есеп талқыланды. Аудандық мәслихаттың комиссия отырысында облыстың тексеру комиссиясының есебі тыңдалды. Жиналыс нәтижесінде тексеру комиссиясы ауданның мемлекеттік мекемелеріне және аудан әкімдігіне аудандық бюджеттің тиімді және сапалы орындалуын қамтамасыз ету және қаржылық тәртіпті сақтау, бюджет сапасын арттыру бойынша шаралар қабылдауды ұсынды. Тұрақты комиссияның отырысында хаттармен және азаматтарды қабылдау өтініштерімен жұмыс ерекше орын алады. Бұл негізінен абаттандыру, автомобиль жолдарын салу және қайта құру, көшелерді жарықтандыру мәселелері, сонымен қатар басқа да бірқатар мәселелер қаралды. Сондай-ақ тұрақты комиссия мүшелері көптеген мәселелерді шешуді депутаттық сауалдар арқылы жүзеге асырады. Сайлаушылар көтерген мәселелердің көп бөлігі бюджеттен қаржыландыруды қажет етеді. Алайда біз бюджеттің шегі, шектеулігі бар екенін және бұл мәселелерді қысқа мерзімде шешу мүмкін емес екенін жақсы түсінеміз. Біз халықтың таңдаулы адамдары ретінде шұғыл жауап беруіміз керек және олар бізден қандай да бір жедел шешім күтеді. Бірақ бұл әрдайым бола бермейді. Қорытындылай келе, аудандық мәслихаттың тұрақты комиссиясы алдағы уақытта да аймақ өмірін жақсартудың маңызды және әлеуметтік маңызы бар мәселелерін шешуде жемісті жұмыс істеуге ниетті екенін айтқым келеді, – дейді Нариман Мусенов.
Әсет Баян,
Тасқала ауданы
zhaikpress.kz
