Қыстан аман шыққан жанның аузы аққа тиіп, мал көкке тойды. Төрт түлікті жайылымға шығарған малшының етек-жеңі кеңіп, жағасы жайлауда.
Теректі аудандық ауыл шаруашылығы бөлімі берген мәліметке сүйенсек, мал басына төл қосылып, қыстан олжалы шыққан екенбіз.
Теректі ауданындағы қожалық-шаруашылықтарда 58790 бас ірі қара бар. Жылқы – 15754 бас. Қой-ешкі саны – 86046. Мал басын табиғи өсім есебінен еселеп отырған малшы төл алу науқанынан нәтижелі шыққан көрінеді.
Жалпы, аудан бойынша малға 13 787 бұзау, 2833 құлын, 30991 қозы-лақ ілесіпті. «Балапанды күзде санайды» демекші, төл басын жайлауда санаймыз емес пе. Ендеше, биылғыдай қысар қыстан шыққан малдан 47 611 төл алынуы – жақсы көрсеткіш.
Камелия Қарекесова,
Теректі ауданы
zhaikpress.kz
