Жалпы, іске кіріспес бұрын мені Әліби деген кім, неге оған қазақ өнері мен мәдениетінің айтулы тұлғалары ара түсуде деген сынды сұрақтар мазалады. Әліби Қаныбекұлы Өтепберген 1997 жылы 19 наурызда Ақтөбе облысында туған, бұрын сотталмаған. ҚР Жоғарғы сотына жолданған кассациялық шағымдарына қорғаушылары жалғаған мына мінездемеден үзінді бере кетейін: «Әліби Өтепберген – Қазақұлттық өнер университетінде «Қазақтың Қыз Жібегі» атанған Меруерт Өтекешова шеберханасының студенті. Көпбалалы отбасынан шыққан тәрбиелі, өнерлі, адамгершілік асыл қасиеттері мол 23 жастағы Әліби топ старостасы болды. Сынақ кітапшасындағы бағалары да жоғары. Университет қабырғасында қандай ісшара болса да алдыңғы қатардан көрінетін. Жоғары оқу орнына түскенше де өнер орталықтарында тәжірибе жинап, оның ішінде балалармен жұмыс істеуді меңгерген, үлкенмен де, кішімен де ортақ тіл табыса білетін коммуникабельді азамат.
Толығырақ облыстық «Орал өңірі» газетінің 2021 жылғы 18 маусымдағы №49 санынан облыстық газеттің қоғамдық редакторы, адвокат Абзал Құспанның «Куәгерсіз өткен сот» атты материалының жалғасынан оқи аласыздар!
zhaikpress.kz
