Биылғы оқу жылы жылдағыдай, соңғы қоңырау соғылған күні аяқталған жоқ. Жыл бойы қашықтықтан оқыған 6, 7, 8, 10 сынып оқушыларының оқуындағы олқылықтарды жою және оқу материалдарын пысықтау мақсатында қолға алынған «Жазғы мектеп» жұмысы ата-аналар мен оқушылардың заңды өкілдерінің өтініштері негізінде іске асырылды.
Теректі ауданында жаңа оқу жылын тиянақты дайындықпен бастау үшін 16 тамызда "Жазғы мектептің" жаңа ауысымы жұмысын бастады.
Балалардың білімін толықтыруға 396 педагог тартылды. Қазір 1-4 сыныптардағы 719 оқушы, 5-9 сыныптарда – 568, 10-11 сыныптарда оқитын 193 оқушының ата-анасы балаларын «Жазғы мектепте» оқытуға өтініш білдіріп отыр. Жалпы, аудан бойынша 24 мектепте 1480 оқушы негізгі пәндерден білімін жетілдіретін болады.
Гүлстан Сатыбалдиева,
Теректі аудандық білім беру бөлімінің
баспасөз хатшысы
