24.09.2021, 21:28
Оқылды: 41

Көшерге арнап әндерін...

Ақжайық ауданында Көшерғали Макаровты еске алуға арналған "Сөз сөйлеймін бөлмелеп" атты республикалық байқау мәресіне жетті. Атап өту керек, бұл додаға екпінімен елді елең еткізген тісқаққан жыршы-термешілермен қатар өнер  әлеміне енді аяқ басқан жас әншілер қатысты. Олардың алды өз өңірімізден болса, соңы сонау Сыр өлкесінің сүлейлері.

491FD9D4-CD32-475C-A981-4D8F7A4C107D

0C6D8DDA-0120-4FB2-90CF-42783147E4C5

Байқаудың нәтижесінде 8 өнерпаз соңғы сынға шықты. Олардың арасынан күміс көмей үздіктерді таңдаған қазылар да осал жандар емес. ҚР еңбегі сіңген қайраткер Қатимолла Бердіғалиев пен жерлесіміз, ҚР еңбек сіңірген әртісі, "Құрмет" орденінің иегері, Ақжайық ауданының құрметті азаматы Сәуле Таудаева бар. Жерлестеріміз Дәурен Ораш, Ақмарал Таудаева, Түркістан облысынан Сәкен Бегманов, ақтөбелік Самал Медеубаева дипломант атанса, тасқалалық Нүрдәулет Мақсотов ІІІ орын иеленді. ІІ орын Ақтау қаласынан қатысқан Жақсыбек Барлыбаевке, І орын - Маңғыстау облысы Бейнеу ауданынан Сәрсенбай Рахманбердиевке бұйырды. Байқаудың жеңімпазы Атырау облысы  Индер ауданының термешісі Еркінғали Аубакировқа жүлдесін аудан әкімі Қалияр Айтмұхамбетов табыстады.

341C5B5F-C9F2-4F9C-A359-E62BF67BCFEE

Өнер азаматының құрметіне ұйымдастырылған концертте байқау жүлдегерлері өнер көрсетті.

EAE50670-EC04-423F-9339-2FA8044A3E9F

553CE967-4014-4EB3-A90F-DD5F00E30AEA

Әлия Шарапиева,

Ақжайық ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале