Бәйтерек ауданы Дариян ауылындағы Абай атындағы мектеп-гимназия-интернатында БҚО Жастар саясаты мәселелері «Ғасыр» қоғамдық бірлестігінің теолог маманы Әсет Раманкұловпен кездесу өтті. Діни сауаттылықты арттыру, теріс діни идеологияның алдын алу, дәстүрлі құндылықтарды насихаттау мақсатында өткен жиынға мектеп ұстаздары мен 9-11 сынып оқушылары қатысты.
Жиында Әсет Раманқұлов ұлттық құндылықтарды ұлықтау, жат діннен қалай сақтану керектігі жайында сөз қозғады.
Көп жас діни сауатсыздығы мен білместігі салдарынан қателіктерге ұрынып, жат ағым жетегіне кетіп жатыр. Мұсылмандыққа бет бұрып, ата дінін ұстанғысы келген жан біліммін арттырғысы келсе, арнайы теолог мамандарға жүгіну керек, -деді кездесуде Әсет Раманқұлов.
Басқосу барысында теолог оқушылар тарапынан қойылған сауалдарға тұшымды жауаптарын берді.
Гүлжан Аязбаева,
Бәйтерек ауданы
zhaikpress.kz
