«Жыл волонтері»

ҚР Президенті Қасым-Жомарт Кемелұлы Тоқаевтың бастамасы бойынша дәл осындай атаумен халықаралық сыйлық тағайындалды. Соған орай ҚР Ақпарат және қоғамдық даму министрлігі байқау өткізеді.

Халықаралық сыйлық әлеуметтік және қоғамдық пайдалы міндеттерді шешуге үлес қосқан волонтерлер мен волонтерлер тобын, отандық және халықаралық волонтерлік ұйымдарды көтермелеуге бағытталған.

Байқауға үміткерлер әлемнің түк-пір-түкпірінен қатыса алады. Ол үшін qazvolunteer.kz интернет-платформасында өтінім беріп, волонтерлік қызметі туралы деректерді толтыру қажет. Өтінімдерді қабылдау 1 қазан мен 20 қазан аралығында жүргізіледі.

Байқау екі кезеңде өтеді:

бірінші – qazvolunteer.kz интернет-платформасында ашық онлайн-дауыс беру;

екінші – ең көп дауыс жинаған және екінші кезеңге өткен қатысушыларды конкурстық комиссия бағалайды.

Нәтижесінде төмендегі аталымдардың әрбірі бойынша үш үміткер жеңімпаз болып анықталады:

• «Үздік волонтерлік ұйым»
• «Корпоративтік волонтерлік көшбасшысы»
• «Коронавирустық инфекциямен күреске қатысқаны үшін»
• «Тұрақты даму мақсаттарының көшбасшылары»
• «Үздік әлеуметтік көмекші»
• «Төтенше жағдайларды жоюға белсенді қатысқаны үшін»
• «Хабар-ошарсыз кеткен адамдарды іздеуге белсенді қатысқаны үшін»
• «Құқықбұзушылық құрбандарына көмек көрсетуге белсенді қатысқаны үшін»
• «Денсаулық сақтауды дамытуға белсенді қатысқаны үшін»
• «Салауатты өмір салтын насихаттауға белсенді қатысқаны үшін»
• «Білімді дәріптеуге қосқан үлесі үшін»
• «Қоршаған ортаны сақтауға және қорғауға қосқан үлесі үшін»
• «Бейбітшілікті, достық пен келі-сімді нығайтуға қосқан үлесі үшін»
• «Тарихи-мәдени мұраны сақтауға және дамытуға қосқан үлесі үшін»
• «Зоологиялық қорғау мәселелерін шешуге қосқан үлесі үшін»
• «Әлеуметтік міндеттерді шешуге қосқан үлесі үшін».

«Жыл волонтері» халықаралық сыйлығын беру қағидалары ҚР Ақпарат және қоғамдық даму министрлігінің интернет-ресурстарында орналастырылған.

Конкурстың толық шарттарымен https://www.gov.kz/memleket/entities/qogam/documents/details/77386?lang=kk сілтемеде  танысуға болады.

Ақпарат және қоғамдық даму министрлігі