Қазгидромет синоптиктері Қазақстанда 2021 жылдың қарашасы мен 2022 жылдың наурызы аралығында ауа райы қандай болатынын айтты.
Қарашаның бірінші жартысы айтарлықтай жылы болады. Қазақстанның солтүстігінде түнде -3+2 мен -8-13, күндіз +3+10 мен -2+3 аралығында болады.
Республиканың солтүстігінде, солтүстік-батысында, шығысында және орталығында бірінші онкүндіктің соңында және айдың екінші жартысында жауын-шашынды, екпінді жел мен қар болады деп күтіледі. Айдың екінші жартысының ең суық күндерінде термометрлер түнде -17-25 градусқа дейін, күндіз-8-13 градусқа дейін, ал елдің шығысында-30-ға дейін, күндіз -18-ге дейін төмендейді. Қарашаның үшінші онкүндігінде аяз аз болады деп күтіледі.
Еліміздің батысы, оңтүстігі мен оңтүстік-шығысында жаңбыр, қар жауады. Ең жылы күндер айдың бірінші жартысында болады, күндіз ауа температурасы +10+18 дейін көтерілуі мүмкін, алайда қарашаның екінші жартысында түнде -5-17, күндіз -2-7 деп болжанады. Үшінші онкүндікте күн қайтадан жылынады.
Қыс мезгілі
Желтоқсанда солтүстік аймақтарда бірнеше күн боран болып, оңтүстік аймақтарда тұман мен көктайғақ болады. Ауа температурасы климаттық норма шегінде болады деп болжанды. Жауын-шашын мөлшері республиканың көп бөлігінде нормадан аз, елдің солтүстік жартысы мен шығысында нормаға жуық, елдің қиыр солтүстігінде нормадан жоғары болады.
Қаңтар - жылдың ең суық айы, себебі Моңғол антициклонының әсері күшейіп жатыр. Түнгі уақытта термометр бағандары Қазақстанның солтүстік жартысында -35-40-қа дейін, оңтүстігінде -22-30-ға дейін түсуі мүмкін. Бір ай ішінде орташа ауа температурасы республика аумағының басым бөлігінде нормадан төмен, елдің батысында, оңтүстік-батысында, солтүстігінде, оңтүстігінде және оңтүстік-шығысында нормаға жуық болады деп күтіледі. Республика бойынша жауын-шашын мөлшері көпжылдық нормадан аз және нормаға жақын болатын аймақтар қатарында елдің солтүстік-батысы, солтүстік-шығысы және Алматы облысының оңтүстік-шығысы бар.
Ақпанда климаттық сипаттамалары мен айналым ерекшеліктері қаңтарға жақын. Қар мен боран, әдетте, Қазақстанның солтүстік жартысында болады. Елдің басым бөлігінде бір айда орташа ауа температурасы нормаға жуық, республиканың оңтүстік-шығысында нормадан 1° жоғары болады. Жауын-шашын республиканың басым бөлігінде нормаға жуық, оңтүстік-батыс жартысында, Орталық Қазақстанның батысында нормадан аз, елдің оңтүстігі мен оңтүстік-шығысының таулы және тау бөктеріндегі аудандарында нормадан артық болжанады.
Қазақстанның оңтүстігі үшін наурыз күн жылына басталатын ай болса, ал солтүстік облыстарда қыс ұзаққа созылады. Наурызда ауа райы өзгеріп тұрады. Ауа температурасы күрт ауытқып, жиі жауын-шашын болады. Болжам бойынша көктемнің алғашқы айы суық болады деп күтіледі. Қазақстан аумағының басым бөлігінде ауаның бір айдағы орташа температурасы нормадан 1-2-ге төмен, елдің шеткі батысында нормаға жуық болады деп күтіледі. Наурызда жауын-шашын мөлшері республиканың солтүстік жартысында және төтенше оңтүстігінде, оңтүстік-шығысында, елдің оңтүстік жартысында нормадан аз болады деп болжанады.
Дереккөз: Tengrinews.kz
