ҚР Президенті әкімшілігінің және аудандық мәслихаттың келісімімен және меритократия қағидаттарына сәйкес, Батыс Қазақстан облысы Тасқала ауданының әкімі лауазымына Айтмағамбетов Бауыржан Есқайырұлы тағайындалды.
Айтмағамбетов Бауыржан Есқайырұлы 1981 жылы туған. Білімі – жоғары. Батыс Қазақстан аграрлық-техникалық университеті мен Батыс Қазақстан мемлекеттік университетін «жол қозғалысын ұйымдастыру» және «құқықтану» мамандықтары бойынша тәмамдаған.
Әр жылдары:
- «Жайық Строй сервис» ЖШС-нің менеджері;
- Тасқала ауданы әкімі аппаратының ұйымдастыру-бақылау және кадр жұмысы бөлімінің экономикалық және әлеуметтік даму сұрақтары бойынша бас маманы;
- Тасқала ауданы, Мереке ауылдық округінің әкімі;
- Тасқала ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы;
- БҚО жолаушылар көлігі және автомобиль жолдары басқарма басшысының орынбасары болып жұмыс жасады.
2020 жылдан бастап БҚО жолаушылар көлігі және автомобиль жолдары басқармасының басшысы қызметін атқарды.
